Санду выклікала на дэбаты свайго прарасейскага апанента ў другім туры

• 21.10.2024, 17:49

Павінны адбыцца на гэтым тыдні.

Дзейная прэзідэнтка Малдовы Мая Санду, якая прэтэндуе на новы тэрмін, выклікала на дэбаты свайго апанента па другім туру, кандыдата ад прарасейскай Партыі сацыялістаў Аляксандра Стаяногла.

Пра гэта Санду сказала падчас брыфінгу, паведамляе Jurnal.

Яна запрасіла свайго апанента ўзяць удзел у дэбатах на гэтым тыдні.

«Я звяртаюся да свайго апанента. Я паважаю галасы тых, хто даверыўся вам. На гэтым тыдні мы павінны правесці сур'ёзныя дэбаты аб тым, якой мы бачым будучыню Малдовы і куды мы хочам рухацца. Няхай грамадзяне пачуюць нас і прымуць пастанову», - звярнулася Санду да Стаяногла.

Яна зазначыла, што выбарчыя штабы прыйдуць да агульнай пастановы па арганізацыі мерапрыемства на гэтым тыдні.

Пасля апрацоўкі амаль 98% усіх галасоў на прэзідэнцкіх выбарах у Малдове Мауя Санду атрымала 41,83%.

Кандыдат ад прарасейскай Партыі сацыялістаў Рэспублікі Малдова Аляксандр Стаяногла атрымаў 26,36% і будзе спаборнічаць з Санду ў другім туры.

Кандыдат, які заняў трэцяе месца, - Рэната Вусаты - атрымаў 13,77% галасоў.