Шаман паў ахвярай унутрывідавай барацьбы

• ТЭЛЕГРАМ-КАНАЛ «РУССКИЙ ДЕКАДАНС»
• 21.10.2024, 14:40

Дронава зараз таўкуць і ў хвост, і ў грыву.

Кіраўніца арганізацыі «Мы ёсць рускія» Святлана Кузняцова заявіла, што Шаман загубіў сваю кар'еру, калі надумаў зарэгістраваць таварны знак «Я рускі». Апраўданне ў стылі «вы ўсё не так зразумелі» патрыётам не спадабалася, таму Дронава зараз малоцяць і ў хвост, і ў грыву.

ЛОМы, якія яшчэ тыдзень таму рассыпаліся ў кампліментах «арыйскаму хлопчыку», зараз бічуюць яго за дзіўную выяву і адсутнасць патрыятызму. Творцы выястаўляюць за другаснасць і двухсэнсоўнасць тэкстаў. А чыноўнікі робяць з Шамана антыпрыклад “патрыёта на заробку”.

Смешна, што больш за ўсё на спевака наязджаюць арганізацыі, у якіх у назове ёсць «рускі», «Русь», «Расея» і іншыя аналагічныя словы. Бо па сутнасці ў іх адна аўдыторыя з Дронавым, адна кармавая база. Шаман паспрабаваў манапалізаваць цэлы кірунак патрыятызму, за што зараз зазнае татальную абструкцыю.

Цікава, хто заменіць Дронава на сцэне. Выцягнуць з пыльнай каморы ЛЮБЭ? Ці створаць новы чалавекабрэнд, але ўжо без нацысцкіх заскокаў і з меншым цэннікам?

Тэлеграм-канал «Русский декаданс»