У Беларусі зноў даступны онлайн-кінатэатр Okko
- 21.10.2024, 9:57
Мінінфарм надумаў яго разблакаваць.
Пра гэта паведаміла Міністэрства інфармацыі Беларусі.
Паводле прэс-рэлізу Мінінфарма, пастанова аб аднаўленні доступу да онлайн-кінатэатра Okko было прынятая пасля таго, як уладальнік інтэрнэт-рэсурсу ліквідаваў парушэнне, якое стала падставай для абмежавання доступу.
Міністэрства інфармацыі заблакавала расейскі онлайн-кінатэатр Okko у Беларусі 30 верасня.
Згодна з афіцыйнай заявай, прычынай блакавання стала размяшчэнне на рэсурсе забароненай інфармацыі, "накіраванай на прапаганду гвалту і жорсткасці". Аднак дэталі аб змесце не ўдакладняліся.
Okko уваходзіць у чацвёрку найбуйных расейскіх стрымінгавых сэрвісаў.