«Захаду трэба прыняць Беларусь у NАТО»

• 21.10.2024, 12:51

Палітолаг расказаў, як адначасова ўдарыць па Кітаю і Расеі.

Каб пазбавіць Кітай такога партнёра, як Беларусь, трэба прыняць і гэтую краіну ў NАТО, а разам з ёй Арменію і Малдову, мяркуе украінскі палітолаг Аляксандр Мусіенка. Захаду трэба пашырыць зону свайго ўплыву на Усходзе, каб аслабіць Кітай.

Такую ідэю Аляксандр Мусіенка агучыў у сваім YouTube-канале.

Палітычны экспэрт пералічыў краіны, якія трэба тэрмінова запрасіць у NАТО: «Грузія «сышла з дыстанцыі», а Арменія зараз, наадварот, шукае спосабы збліжэння з Захадам. Арменія, Грузія разам з Украінай, прынятыя ў NАТО, гэта быў бы джэкпот для Захаду з пункту гледжання пашырэння прысутнасці і распаўсюджвання яго на Усход, таму што на Усходзе трэба пашыраць прысутнасць і з пункту гледжання Ірана, і з пункту гледжання Расеі, і дзеля адрыву гэтых краін ад Расеі і змяншэння ўплыву туды. Гэта першы этап».

«Для гэтага трэба, каб спачатку Украіна ў NАТО ўступіла, падала прыклад «суседзям», і паступова трэба «адрываць» Беларусь. Беларусь важная, таму што гэта партнёр Кітая ў рэгіёне, які дапамагае абыходзіць санкцыі Расеі, якая з ёю супрацоўнічае. Лукашэнка ж увесь час ездзіць «на паклоны» да Сі Цзіньпіна. «Адарваць» Беларусь - гэта ўдар па Кітаю, а далей узнікне прынцыповае пытанне: што рабіць з Расіяй», - падкрэсліў Аляксандр Мусіенка.