Крыштыяну Раналду выпусціў уласную калекцыю люксавых гадзіннікаў

• 20.10.2024, 21:02

Як яны выглядаюць.

Крыштыяну Раналду выпусціў уласную лінейку гадзіннікаў, супольна з ювелірным брэндам Jacob & Co.

Пра гэта партугальскі футбаліст паведаміў у сваім X-акаўнце.

«Я заўсёды марыў мець уласную калекцыю гадзіннікаў. Мадэль Jacob & Co. Flight of CR7 і Heart of CR7 натхнёныя некаторымі з маіх самых знакавых момантаў на полі. Спадзяюся, яны вам спадабаюцца гэтак жа, як і мне», - напісаў ён.

На гадзінніку Flight of CR7 з ружовага золата намаляваны Раналду, які забівае гол у вароты сваёй былой каманды «Манчэстэр Юнайтэд» у 1/8 фіналу Лігі чэмпіёнаў 2012-2013, Heart of CR7 з нержавейнай сталі выкананы ў зялёных адценнях, што з'яўляецца адсыланнем да футбольнага поля.

Выпушчана 999 экзэмпляраў гадзіннікаў, коштам ад $29 тысяч да $160 тысяч.