Навукоўцы прапанавалі незвычайны спосаб адвучыць студэнтаў ад смартфонаў на парах

• 2.10.2024, 21:09

Даследаванне правялі ў ЗША.

Амерыканскія навукоўцы прапанавалі незвычайны спосаб адвучыць студэнтаў ад выкарыстання смартфонаў падчас лекцый. Так, мабільнікі звычайна забароненыя ў навучальных установах, аднак гэта не перашкаджае неўзаметку адрывацца навучэнцам у працэсе атрымання ведаў. Як паказала праведзенае даследаванне і эксперымент, гэтую праблему можна развязаць (хоць бы часткова).

Даследнікі прапанавалі ўвесці «тэхналагічныя перапынкі»: хвіліна ці пару падчас параў, калі студэнтам «афіцыйна» дазволена мімалётам зазірнуць у смартфон і зрабіць у ім нейкія дзеянні, паведамляе «Анлайнер».

Найбольш эфектыўным для навучальнага працэсу прамежкам стала адна хвіліна: за гэты час навучэнцы паспявалі скарыстацца тэлефонам і больш не адрываць увагу на яго.

«Верагодна, адной хвіліны даволі, каб прачытаць і адказаць на невялікую колькасць паведамленняў. Калі даць больш часу, верагодна, працэс задоўжыцца: яны будуць атрымліваць новыя паведамленні і прадаўжаць адказваць на іх», – кажуць даследнікі.

Яшчэ адным нечаканым вынікам стаў рост паспяховасці навучэнцаў, дзе ўкаранілі хвілінныя «тэхналагічныя паўзы»: сярэдні паказнік перавысіў 80 балаў са 100.

«Можна выказаць здагадку, што цягам урока ступень адхіленасці памяншалася, што і прывяло да росту паспяховасці», – кажа прафесар Раян Рэднер з Southern Illinois University.

Праўда, засталося нямала адкрытых пытанняў, праз якія даследнікі пакуль не могуць зрабіць канчатковых высноваў, ці стане падыход эфектыўны ў розных умовах.