Жыхар Кітая знайшоў спосаб перамагчы ў латарэю

• 2.10.2024, 20:20

Але спатрэбілася сем гадоў.

Здаецца, мужчына з Кітая знайшоў спосаб, як кіраваць сваім поспехам у латарэі: кожны раз ён выкарыстоўваў даты дзён народзінаў сям'і. Праўда, каб праверыць тэорыю, спатрэбілася сем гадоў (а магчыма, і буйныя грошы на квіткі). Але ў канцы гулец атрымаў 3,4 мільёны даляраў.

Калі мужчына прыйшоў па выйгрыш, ён расказаў, што набываў латарэйныя квіткі 10 гадоў, але ніколі не дазваляў сабе выдаткоўваць больш за 20 юаняў (2,8 даляра) за тыраж. Ягоную гісторыю расказвае South China Morning Post.

Калі ён толькі пачынаў гуляць, яму падабалася выкарыстоўваць выпадкова згенераваныя лікі. Але аднойчы ён прачытаў гісторыю пра пераможцу латарэі, які выкарыстаў камбінацыю дзён народзінаў чальцоў сваёй сям'і.

Хоць мужчына абраў пэўную тактыку і ўпарта ёй ішоў, на перамогу ён усё ж надта не спадзяваўся. «Натхніўшыся гэтым, я пастанавіў у 2017 годзе зрабіць тое самае з днямі народзінаў чальцоў сваёй сям'і, прытрымліваючыся гэтых лікаў. Я ніколі не думаў, што змагу атрымаць вялікі куш», – расказаў мужчына.

Сарваць джэкпот дапамог квіток за 1,4 даляра, дзе трэба было самастойна падабраць лічбы.

Вядома, што 14000 даляраў мужчына аддаў на дабрачыннасць і паабяцаў набыць сям'і новы дом.