Украінскія штурмавікі знішчылі ўмацаванні расейцаў

• 2.10.2024, 16:38

І прадэманстравалі вынікі ўдалай аперацыі.

Байцы 5-й асобнай штурмавой Кіеўскай брыгады прадэманстравалі вынікі ўдалай аперацыі, нанёсшы магутны ўдар па варожых пазіцыях.

Абаронцам Украіны ўдалося знішчыць гармату расейцаў, якая доўгі час абстрэльвала пазіцыі УСУ. Відэа апублікавалі ў афіцыйным Telegram-канале брыгады.

Таксама ўкраінскія байцы нанеслі істотныя страты расейскай пяхоце і вывелі са строю мінамёт супраціўніка. Акрамя гэтага, былі разбураныя варожыя ўмацаванні, што робіць немагчымым далейшае супраціўленне з боку акупантаў.

«Кожная такая аперацыя набліжае нас да агульнай мэты - перамогі! Разам мы нязломныя!» - падкрэслілі байцы.