У Расеі спынілі кантрабанду беларускіх цыгарэт у Турцыю

• 2.10.2024, 14:55

Затрыманую партыю ацанілі на 160 тысяч даляраў.

Спробу кантрабанды беларускіх цыгарэт прадухілілі мытнікі Новарасейска супольна з Управай ФСБ у Краснадарскім краі.

Як паведамілі ў Федэральнай мытнай службе, расейскі грузаадпраўшчык падаў дэкларацыю на экспарт у Турцыю 3 тон цеплаізаляцыйнай плёнкі.

Аднак пры надглядзе кантэйнера ў порце ў рулонах плёнкі былі знойдзены тайнікі, дзе знаходзілася 120 тысяч пачкаў цыгарэт з беларускімі акцызнымі маркамі.

Партыю ацанілі на 15 млн расейскіх рублёў (блізу 160 тысяч даляраў).

Заведзеная крымінальная справа.