Мянчанка скрала заплечнік, а праз дзень вярнула яго на месца

• 19.10.2024, 20:41

Чым усё скончылася?

У міліцыю Менска звярнуўся мужчына, які страціў заплечнік з грашыма, дакументамі і асабістымі рэчамі. Выявілася, што ён ненадоўга пакінуў яго без нагляду на парапеце - і гэтага часу хапіла, каб рэч знікла.

Супрацоўнікі крымінальнага вышуку высветлілі, што грошы знайшліся ў 59-гадовай мянчанкі. Жанчына прыхапіла заплечнік, забрала яго дадому, але грошы - амаль 400 рублёў - пакінула сабе. На наступны дзень яна вярнула сам заплечнік на месца як ні ў чым не бывала, але адсутнасць грошай не засталася незаўважанай.

Цяпер жанчыне пагражае крымінальная справа за крадзеж.