Кіраўнік офіса Зяленскага звярнуўся да Захаду: Патрэбная сіла, каб пазбегнуць вялікай вайны

• 19.10.2024, 20:07

Са слоў Ермака, "замірэнне" Расеі не працуе.

Стварэнне новага вайсковага альянсу аўтакратычных рэжымаў заклікана разбалансаваць сферы ўплыву дэмакратычных краін і з'яўляецца рэпетыцыяй і магчымым прамацваннем рэакцыі на такі крок Заходняга свету. Аб гэтым у сваім Telegram-канале заявіў кіраўнік Офіса прэзідэнта Украіны Андрэй Ярмак.

У гэтым кантэксце ён, між іншым, нагадаў аб вайне Расейскай Федэрацыі "ў Еўропе супраць Украіны", прыцягненне войска Паўночнай Карэі да вайны ва Украіне, падтрымку Ірана ў вайне на Блізкім Усходзе і нагнятанне КНДР на Карэйскім паўвостраве.

- Жаданне новага вайсковага альянсу аўтакратый разбалансаваць дэмакратычныя сферы ўплыву зараз з'яўляецца рэпетыцыяй і магчымым прамацваннем рэакцыі Заходняга свету. Калі гэта не атрымае жорсткі адказ, яны пачнуць рыхтавацца да далейшага навязвання свайго ўплыву ў Еўропе, што будзе немагчыма ажыццявіць без вайны, - напісаў украінскі палітык.

Ён заклікаў заходніх партнёраў сур'ёзна паставіцца да новых пагроз, бо "замірэнне" Расеі і аўтакратый не працуе:

"Трэба сіла, каб пазбегнуць вялікай вайны".