Пуцін зрабіў заяву пра сваё здароўе: Ягоныя прыхільнікі запанікавалі

• 19.10.2024, 13:34

Пяскову тэрмінова давялося тлумачыць.

Здароўе 72-гадовага Пуціна неаднаразова рабілася тэмай для абмеркаванняў у СМІ. Яму прыпісвалі анкалагічнае захворванне.

Падчас нарады з урадам Пуцін зноў прымусіў занепакоіцца сваіх прыхільнікаў, паведамляе «24 канал».

Кіраўнік Крамля расказаў, што ён рэгулярна праходзіць абследаванне ў Цэнтральнай клінічнай лякарні. Пра гэта дыктатар сказаў у кантэксце абмеркавання вакцынацыі ад грыпу. Маўляў, айчынныя вакцыны лепшыя за замежныя.

Аднак гэтых словаў было даволі, каб выклікаць паніку ў прыхільнікаў дыктатара. Таму прэс-сакратар Пуціна Дзмітрый Пяскоў быў вымушаны даваць тлумачэнні з гэтай нагоды.

«Візіты Пуціна ў ЦКБ – гэта звычайныя дыспансерызацыі, якія праводзяцца з прафілактычнай мэтай», – растлумачыў прэс-сакратар расейскага дыктатара.