Украінская разведка зачысціла ад расейцаў Круглякоўку ў Харкаўскай вобласці

• 18.10.2024, 19:46

Працаваў спецназ ГУВ.

Спецназаўцы Галоўнай управы выведкі Мінабароны Украіны паспяхова вызвалілі населены пункт Круглякаўку Купянскага раёна Харкаўскай вобласці. Пра гэта паведамілі ў пятніцу, 18 кастрычніка, у Telegram-канале ГУР ГУВ.

Адзначаецца, што аперацыя працягвалася з 7 да 14 кастрычніка 2024 года. У вызваленні стратэгічна важнага пункта ўдзельнічалі вайскоўцы падраздзялення Братэрства са спецпадраздзялення Цімура ГУВ МА Украіны пры падтрымцы 77-й асобнай аэрамабільнай брыгады УСУ.

«Вораг супраціўляўся, спрабаваў контратакаваць, аднак пацярпеў паражэнне - штурм акупантаў выведнікі адбілі і працягнулі выцясняць супраціўніка», - гаворыцца ў паведамленні.

У ГУВ дадалі, што дзякуючы прафесіяналізму і смелым дзеянням спецназаўцаў, расейскія войскі страцілі больш за ўзвод пяхоты ў блізкіх баях.

Падчас штурму ўкраінскія ваяры таксама змаглі ўзяць у палон некалькіх расейскіх акупантаў, атрымаўшы важныя выведвальныя звесткі.

У выніку аперацыі вораг выбіты з Круглякоўкі, а шляхі перамяшчэння акупантаў былі замінаваныя.