Зяленскі: Каманда Белага дома прыедзе ва Украіну найбліжэйшым часам
- 18.10.2024, 17:28
Кіраўнік Украіны аб рэакцыі ЗША на план перамогі.
ЗША ўжо неўзабаве могуць даць свой фідбек што да плану перамогі. Чакаецца візіт каманды Белага дома ва Украіну.
Пра гэта паведамляе РБК-Украіна са спасылкай на інтэрв'ю прэзідэнта Украіны Уладзіміра Зяленскага, якое транслявалі ў эфіры тэлемарафона.
Ён распавёў, што фідбэк ад ЗША быў «амаль адразу», калі ўкраінскія чыноўнікі паехалі туды і працавалі над пытаннямі наконт запрашэння ў NATO і ўзмацнення УСУ проста цяпер.
«Мы чакаем каманду Белага дома ва Украіне. Мы чакаем, і найбліжэйшым часам яна будзе тут з тымі ці іншымі адказамі», - падкрэсліў Зяленскі.