«Барселона» згуляе супраць «Рэала» ва ўнікальных футболках

• 18.10.2024, 16:43

Каталонская каманда зрабіла калабарацыю з вядомымі музыкамі.

Гішпанская «Барселона» на прынцыповы матч Прэм’еры супраць мадрыдскага «Рэала» выйдзе ў форме з лагатыпам музычнага гурта Coldplay.

Гэтая калабарацыя адбудзецца ў рамках супрацоўніцтва з платформай Spotify, піша «Люстэрка Тыдня».

Кардынальна асноўная форма «блаўгранас» не зменіцца, а на месцы цэнтральнага фундатара будзе відаць значок брытанскага рок-гурта.

Таксама каталонская каманда прадэманструе фанатам паўсядзённае адзенне, прымеркаванае да эксклюзіўнага партнёрства.

Адзначым, што ў «Барсе» ўжо праводзілі такую акцыю з легендарным гуртом The Rolling Stones.

Нагадаем, «Барселона» пасля дзевяці тураў іспанскай Ла Лігі ідзе на першым месцы ў турнірнай табліцы, апярэджваючы «Рэал» на тры ачкі.

Эль-Класіка «Рэал» Мадрыд - «Барселона» адбудзецца 26 кастрычніка на «Санцьяга Бернабеу».