Туск: План перамогі Украіны будзе зноўку ацэнены пасля прэзідэнцкіх выбараў у ЗША

• 18.10.2024, 14:43

Пазіцыя Польшчы застаецца нязменнай.

План перамогі Украіны, прэзентаваны ў Брусэлі прэзідэнтам Уладзімірам Зяленскім будзе зноўку ацэньвацца - у залежнасці ад вынікаў выбараў прэзідэнта ЗША 5 лістапада 2024 года, заявіў польскі прэм'ер-міністр Дональд Туск, паведамляе агенцтва PAP.

Прэм'ер-міністр адзначыў на прэс-канферэнцыі пасля саміту Еўразвязу ў Брусэлі 17 кастрычніка аб тым, што ў тэме плана перамогі Украіны ў ЕЗ "ніхто не чакаў гармоніі", паколькі сярод краін Еўразвязу няма аднадушнасці ў гэтым пытанні (а ўкраінскае ўступленне ў NАТО ў дакуменце значыцца першым пунктам).

Туск нагадаў, што калі ўпершыню ўзнікла пытанне аб уступленні Украіны ў Альянс (падчас прэзідэнцтва Леха Качыньскага ў 2005—2010 гг. — рэд), Польшча была за “адкрыццё перспектывы NАТО для Украіны”.

“Яна (пазіцыя Польшчы - рэд.) не змянілася. У гэтым пункце мы салідарныя з Украінай”, - заявіў польскі прэм'ер.

Са слоў Туска, на сённяшні дзень складана ацаніць, наколькі рэалістычны план перамогі, прэзентаваны прэзідэнтам Уладзімірам Зяленскім, паколькі шмат што будзе залежаць ад выніку прэзідэнцкіх выбараў у ЗША.

"На гэты момант мы чакаем вынікаў выбараў у ЗША, гэтага ніхто не хавае", – рэзюмаваў Туск.