«У Пуціна ўзнікла гіганцкая мегапраблема»

• 18.10.2024, 9:01

Яе стварыў кронпрынц Савудаўскай Аравіі.

Журналіст Іван Якавіна выказаў меркаванне, што кронпрынц Савудаўскай Арабіі пабаяўся прымаць удзел у саміце БРІКС.

Іван Якавіна спрагназаваў падзеі, якія могуць адбыцца ў найбліжэйшыя дні, а менавіта ў тыя даты, калі адбудзецца саміт БРІКС з 22 да 24 кастрычніка.

Журналіст мяркуе, што менавіта ў гэты перыяд Ізраіль можа нанесці ўдар па Іране, паколькі Пезешкіан у гэты час будзе ў Казані і не зможа прымаць важныя пастановы, і вярнуцца назад у яго не атрымаецца, каб не рызыкаваць жыццём.

Журналіст паведаміў, што кронпрынц Савудаўскай Арабіі адмовіўся ад удзелу ў саміце БРІКС, не агучыўшы прычын, хоць напраўду ён цалкам можа здагадвацца аб паветранай аперацыі Ізраіля, якая рыхтуецца, і баіцца, што яго краіна можа пацярпець ад удару ў адказ з боку Ірана.

Затым Якавіна дадаў: «Кронпрынц застаўся ў Эр-Рыядзе. Для Пуціна гэта гіганцкая мегапраблема. На мой погляд, увесь гэты саміт БРІКС у Казані ладзіўся акурат дзеля таго, каб прывезці туды Савудаўскага кронпрынца і паказаць яму Казанскі Крэмль».

Палітычны аглядальнік растлумачыў, што для кіраўніка Крамля важна было прадэманстраваць кронпрынцу Савудаўскай Арабіі, што ў іх усё добра.