Лукашэнка адзначыўся чарговай заявай пра перамовы Украіны і РФ
- 17.10.2024, 21:43
Дыктатар заявіў, што «заўтра палову краіны давядзецца аддаць».
Беларусь павінна прысутнічаць на перамовах Украіны і Расеі. Асабліва калі размова будзе ісці пра тэрыторыі.
Пра гэта заявіў дыктатар Беларусі Аляксандр Лукашэнка.
Паводле ягоных словаў, на перамовах ва ўрэгуляванні ўкраінскага канфлікту павінны прысутнічаць беларусы.
«Я заўсёды настойваў, і ўкраінцам пра гэта казаў, расейцам і Пуціна папярэдзіў, што на перамовах датычна Украіны павінныя прысутнічаць беларусы», – сказаў Лукашэнка.
На ягоную думку, вайна ва Украіне – праблема і Беларусі.
«Я не хачу, каб там (на перамовах – рэд.) развязалі пытанні – нашы пытанні – без нас. Так, яны не “адцяпаюць” там Гомель, Палессе, не ў гэтым рэч, але могуць прыняць такія пастановы, што заўтра палову краіны давядзецца аддаць», – заявіў Лукашэнка.