100-гадовы экс-прэзідэнт ЗША Картэр датэрмінова прагаласаваў за Гарыс

• 17.10.2024, 11:25

Палітык заявіў, што вельмі хацеў гэта зрабіць.

Прэзідэнт ЗША ў 1977-1981 гадах Джымі Картэр, якому нядаўна споўнілася 100 гадоў, датэрмінова прагаласаваў на выбарах прэзідэнта за кандыдата ад Дэмакратычнай партыі Камалу Гарыс.

Аб гэтым піша The New York Times.

У матэрыяле гаворыцца, што сям'я 39-га прэзідэнта, які з лютага 2023 года знаходзіцца ў хоспісе, паведаміла, што ён вельмі хацеў аддаць свой голас за Гарыс.

Унук былога прэзідэнта, Джэйсан Картэр распавёў, што бюлетэнь яго дзядулі апусцілі ў скрыню для галасавання ў будынку суда ў горадзе Амерыкус штата Джорджыя.

Прэзідэнцкія выбары ў ЗША адбудуцца 5 лістапада.