Прэм'ер Славаччыны намякнуў на хуткае заканчэнне вайны ва Украіне: навіны магчымыя ўжо заўтра

• 16.10.2024, 15:18

Фіца заявіў, што пастанова можа быць звязаная з НАТА.

Славацкі прэм'ер Роберт Фіца ўважае за высокую імавернасць хуткага заканчэння вайны ва Украіне, і намякнуў на магчымыя навіны ў гэтым пытанні ўжо заўтра, паведамляе Nyní.sk.

«Імавернасць заканчэння вайны ва Украіне ў кароткатэрміновай перспектыве высокая», - сказаў Фіца падчас выступу ў парламенцкім камітэце. - «Я чакаю заўтра нейкага намёку, бо раптоўна ўзнікла тэма запрашэння Украіны ў НАТА».

У той жа час ён заявіў, што не думае, што гэтае запрашэнне будзе «бясплатным».

Фіца паўтарыў, што Славаччына падтрымлівае тэрытарыяльную цэласнасць Украіны і падкрэсліў, што падтрымае ўсякі мірны план, накіраваны на развязанне канфлікту ва Украіне, піша выданне.

У той жа час, з яго слоў, неабходна забыцца, што расейцы пакінуць Крым і іншыя тэрыторыі, напрыклад, Данецк або Луганск. З яго слоў, расейцы адваёўваюць усё больш тэрыторый, і ён падкрэсліў, што канфлікт не мае ваеннага развязання.