«Зубы дракона» ў Курскай вобласці за дзень забілі 40 расейцаў
- 15.10.2024, 11:49
Іх устанавілі расейскія вайскоўцы.
У Курскай вобласці расейскія камандзіры праз асцярогу прарыву УСУ на трасе абараніліся "зубамі дракона". Зрэшты, такая загарода толькі ўскладніла перамяшчэнне расейцаў, эвакуацыю параненых і ўцёкі ад украінскіх FPV-дронаў.
Аб гэтым напісаў у сваім тэлеграм канале “Філолаг засадзе” Z-блогер Святаслаў Голікаў, перадае «Фокус».
Паводле ягоных слоў, такія загароды ўстаноўлены ў Вялікасалдацкага раёне на трасе Суджа - Курск.
“Небяспечны адцінак, на якім дронамі супраціўніка ўжо спалена больш за 50 аўтамашын, вайскоўцаў і цывільных грамаядзн. Адпаведна, праскочыць гэты адцінак людзі спрабуюць на высокіх хуткасцях. На днях на ўчастку па-шэраму выставілі зубы дракона. Ні абвестак, ні папераджальных знакаў. На хуткасцях за 150 км/г уляцела некалькі машын, былі загінулыя і цяжкія пацярпелыя. Таварышы, якія працуюць на Суджанскім кірунку, знеслі гэтыя зубы на сухі лес, але на наступны дзень сітуацыя паўтарылася. Ізноў зубы па шэрым, пабітыя машыны, некалькі загінулых і некалькі чалавек у рэанімацыі”, - абурыўся блогер.
Ён заявіў, што такія дзеянні падобныя не да працы кіраўніцтва, а ўкраінскіх ДРГ.
“Пост на не паставіш, яго тупа знішчаць дранамі. Абвесткі і папераджальныя знакі сітуацыйна маглі б выратаваць, але цяпер "зубы дракона" на трасе - гэта ў прынцыпе не варыянт! Траса актыўна працоўная і пры гэтым людзі па ёй вымушаныя лётаць”, - напісаў блогер.
Ён абурыўся, што страты ад такіх загарод на гэтым адцінку большыя, чым ад FPV-дрона.
Таксама ён дадаў, што днямі тут на сваім аўто ў «зубы» уляцеў вядомы валанцёр - ён не пацярпеў, але аўто ў яго больш няма.
У іншым расейскім тэлеграм-канале "Тройка" паведамілі, што з-за "зубоў дракона" ўжо загінулі 40 расейскіх ваяскоўцаў.
“Уначы ў Курскай вобласці невядомая ДРГ выстаўляе ў тыле “зубы дракона”, на трасах эвакуацыі, па якіх машыны імчацца ад FPV-дронаў на 150км/г. Без якіх-небудзь апазнавальных знакаў. Загінулых больш за 40 чалавек толькі за адзін дзень, столькі ж 300. За гадзіну больш ДТЗ, чым падбівае FPV за тыдзень”, - гаворыцца ў паведамленні.