NASA запускае місію на спадарожнік Юпітэра для пошуку жыцця

• 14.10.2024, 21:28

На Еўропе можа быць удвая больш воды, чым на Зямлі.

NASA рыхтуецца выправіць місію Europa Clipper на спадарожнік Юпітэра Еўропу, каб даследаваць ягоныя падземныя акіяны і ацаніць патэнцыйную прыдатнасць для жыцця. Пра гэта паведамляе The Guardian.

Паводле звестак навукоўцаў, на Еўропе можа быць удвая больш воды, чым на Зямлі. Місія стартуе 14 кастрычніка з Касмічнага цэнтра Кэнэдзі пасля папярэдняй затрымкі праз ураган.

Касмічны апарат праляціць блізу 3,2 млрд кіламетраў і дасягне спадарожніка ў 2030 годзе. Ён абсталяваны сонечнымі панэлямі і камерамі для картаграфавання і радарам для вывучэння падлёдавых водаў. Навукоўцы плануюць даследаваць сляды арганічных злучэнняў і магчымасць існавання мікробаў у асяроддзі, якое падтрымлівае жыццё.