У нацыянальным парку «Прыпяцкі» знайшлі грыб-карал

• 14.10.2024, 17:44

Фотафакт.

У Нацыянальным парку «Прыпяцкі» на поўдні Беларусі знайшлі рэдкі для краіны грыб – яжовік каралападобны (Hericium coralloides). Ён уключаны ў Чырвоную кнігу Беларусі, а вонкава нагадвае марскі карал.

Як распавялі ў «Прыпяцкім», яжовік каралападобны мае трэцюю катэгорыю аховы, што азначае, што ён не знаходзіцца пад непасрэднай пагрозай знікнення цяпер, але яго выміранне магчымае ў будучыні.

«Пладовае цела незвычайнай формы і падобнае на галінкі карала. Маладыя пладовыя целы вылучаюцца на фоне дрэў сваёй белай афарбоўкай», - адзначылі ў парку.