У Беларусі выставілі на аўкцыён адразу два газаправоды

• 13.10.2024, 18:38

За пазыкі спіртзавода.

На аўкцыён выстаўленыя адразу два газаправоды, якія належаць Мазырскаму спіртагарэлачнаму заводу. Інфармацыя аб лотах размешчаная на платформе "ІПМ-Таргі".

Завод знаходзіцца ў працэсе банкруцтва з 2016 года, звесткі аб ім даступны ў Адзіным дзяржаўным рэестры інфармацыі аб банкруцтве.

Першы лот - гэта вонкавы газаправод сярэдняга ціску, які прапануецца за 13,4 тысячы рублёў, з працягласцю 65,6 метра.

Другі лот вонкавы газаправод высокага ціску, за які плануюць здабыць 101,1 тысячу рублёў. Яго даўжыня значна большая — 1636,3 метра.

У апісанні да лотаў пазначана, што пакупнік павінен будзе пры неабходнасці забяспечваць падачу газу на кацельню ААТ "Мазырскі спіртагарэлачны завод". Дарэчы, кацельня таксама выстаўленая на аўкцыён з пачатковым коштам амаль 368 тысяч рублёў.

Таргі аб газаправодах прызначаныя на 29 кастрычніка.