Эфектыўна збіваюць гелікоптэры і не толькі: тры цікавыя ПЗРК Украіны

• 12.10.2024, 21:52

У УСУ прымяняюцца сама меней два з пяці найлепшых ПЗРК свету.

Для таго каб эфектыўна абараняцца ад ворага, Украіне патрэбны не толькі сродкі СПА для прыкрыцця гарадоў, але і больш партатыўныя мадэлі. Украіна выкарыстоўвае некалькі пераносных зенітна-ракетных комплексаў, сярод іх можна вылучыць тры: савецкі ПЗРК "Ігла" і два замежныя, піша telegraf.com.ua.

ПЗРК FIM-92 Stinger і ПЗРК Mistral называюць у пяцёрцы найлепшых пераносных зенітна-ракетных комплексаў у свеце. Яны абодва перадаваліся Украіне хаўруснікамі.

ПЗРК FIM-92 Stinger

ПЗРК FIM-92 Stinger – гэта ракета тыпу "стрэліў і забыўся" вытворчасці кампаніі Raytheon Missile Systems. Ракета рухаецца з хуткасцю 750 м/с і можа паражаць цэлі на вышыні да 3500 м і ў радыусе 8000 м/с. ПЗРК эфектыўны супраць нізкалётных самалётаў, гелікапэраў і нават крылатых ракет.

ПЗРК Mistral

ПЗРК Mistral - сістэма ўзбраення вытворчасці MBDA Missile Systems. Гэтая ракетная сістэма мае 97% пацверджанага каэфіцыента траплення і аналагічны прынцып дзеяння "стрэліў і забыўся", які забяспечваецца галоўкай саманавядзення. У ПЗРК маецца цеплавізійны прыцэл, ён можа падлучацца да сістэмы кіравання агнём і каардынацыі. Ракета рухаецца з хуткасцю 930 м/з. Зона паразы да 6000 м на вышыні да 3000 м. У найноўшай мадэлі далёкасць павялічана да 8 км.

ПЗРК "Ігла"м

Пераносны зенітны ракетны комплекс «Ігла» застаўся УСУ яшчэ з савецкіх часоў. Гэты ПЗРК эфектыўны супраць самалётаў і гелікаптэраў і неаднаразова даказваў гэта. Таксама ўкраінскія вайскоўцы змаглі збіць з яго некалькі варожых ракет у небе. Далёкасць паражэння мэт - да 5200 м. Вышыня мэты - да 2500 м. Ракета ляціць з хуткасцю 600 м/с.