Ва Украіне распрацавалі новы боепрыпас Stick M12

• 12.10.2024, 20:12

На што ён здольны?

Украінская абаронная кампанія распрацавала баражыруючы боепрыпас, які назвалі Stick M12. Адзначаецца, што гэты дрон здольны пераадольваць адлегласць 70 кіламетраў.

Як паведамілі ў United Military Solutions, іх новы беспілотнік можа знаходзіцца ў паветры больш за гадзіну. Ён прызначаны для пашкоджання стацыянарных цэляў, браняванай тэхнікі і месцаў дыслакацыі асабовага складу ворага.

Stick M12 - гэта ўдарны дрон, які абсталяваны адным электрычным рухавіком у задняй частцы. У пярэдняй частцы размешчана баявая частка.

Вядома, што ў чэрвені 10 такіх дронаў баражыруючых боепрыпасаў атрымала 100 асобная механізаваная брыгада Наземных войскаў. Кожны такі Stick M12 каштуе прыкладна 100 тысяч грыўняў. Для абаронцаў іх набылі дабрачынцы.