РФ атакавала Украіну невядомымі ракетамі і БПЛА

• 12.10.2024, 12:27

У пяці абласцях грымелі выбухі.

У ноч на суботу, 12 кастрычніка, у выніку супрацьпаветранага бою ва Украіне збітыя 24 варожыя БПЛА з 28 запушчаных краінай-агрэсаркай РФ.

Яшчэ два дроны ў выніку процідзеяння РЭБ лакацыйна страчаныя, паведамілі ў Камандаванні Паветраныя сілы УСУ ў Telegram.

Як адзначаецца, у ноч на 12 кастрычніка акупанты атакавалі Украіну ракетамі неўсталяванага тыпу (раён пускаў - Белгародская вобл., РФ) і 28-ю ўдарнымі БПЛА (раён пускаў - Курск, Прыморска-Ахтарск, РФ).

Да адбіцця паветранага нападу прыцягнутыя зенітныя ракетныя войскі, падраздзяленні РЭБ і мабільныя агнявыя групы Паветраных сіл і сіл абароны Украіны.