Да +15°С чакаецца ў Беларусі ў суботу

• 11.10.2024, 19:55

Пераважна без ападкаў.

У Беларусі 12 кастрычніка чакаецца халаднаватае восеньскае надвор'е, месцамі па краіне пройдуць дажджы. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У суботу, 12 кастрычніка, уначы будзе воблачна з прасвятленнямі, на большай частцы тэрыторыі пройдуць дажджы, месцамі па ўсходзе моцныя дажджы, магчымыя навальніцы. Сёння пераменная воблачнасць, пераважна без ападкаў, толькі ва ўсходніх раёнах дажджы. Уначы і раніцай месцамі слабы туман. Вецер паўночна-заходні 4–9 м/с, уначы месцамі парывы да 14 м/с. Тэмпература паветра мінімальная ўначы +3...+9°С, на ўсходзе да +12°С, максімальная ўдзень +9...+15°С.

У наступныя два дні захаваецца такі ж характар надвор'я.

У нядзелю, 13 кастрычніка, будзе воблачна з прасвятленнямі. Месцамі на крайнім усходзе, а ўдзень пераважна ў заходняй палове тэрыторыі рэспублікі пройдуць дажджы. Уначы і раніцай месцамі слабы туман. Вецер пераменных кірункаў 4–9 м/с, удзень месцамі парывы да 14 м/с, у асобных раёнах на паўднёвым захадзе 15–18 м/с. Тэмпература паветра мінімальная ўначы +1...+8°С, пры прасвятленнях замаразкі 0...—2°С; тэмпература паветра максімальная ўдзень +7...+14°С.

У панядзелак, 14 кастрычніка, пахмурна. Часам дажджы. Месцамі слабы туман. Вецер пераменных кірункаў 4–9 м/с, у паўднёва-заходняй палове парывы да 14 м/с, у асобных раёнах 15–18 м/с. Тэмпература паветра мінімальная ўначы +3...+8°С, максімальная ўдзень +7…+12°С.