Кошт актываў найбуйнейшай у свеце інвесткампаніі дасягнуў $11,5 трлн

• 11.10.2024, 19:39

У трэцім квартале 2024 года BlackRock зафіксавала рэкордны чысты прыток капіталу – $221,18 млрд.

Кошт актываў пад кіраваннем найбуйнейшага ў свеце інвестыцыйнага холдынгу BlackRock, дасягнуў гістарычнага максімуму на ўзроўні $11,5 трлн. Пры гэтым у трэцім квартале 2024 года кампанія зафіксавала рэкордны чысты прыток капіталу. Аб гэтым паведаміў Bloomberg.

Паводле справаздачы BlackRock, апублікаванай у пятніцу, кошт актываў пад кіраваннем інвестхолдынгу, вырас у трэцім квартале гэтага года да $11,48 трлн, у параўнанні з $9,10 трлн годам раней. Сумарны чысты аб'ём прыцягнутых інвестыцыйных плыняў дасягнуў квартальнага рэкорду $221,18 млрд у параўнанні з $2,57 млрд годам раней. Большая частка прытоку была накіраваная ў ETF-фонды – $97,41 млрд. Акрамя таго, інвестары ўклалі $62,74 млрд у інструменты з фіксаваным даходам ад BlackRock.

Доўгатэрміновыя інвестыцыйныя фонды BlackRock у трэцім квартале прыцягнулі $160 млрд, што перавысіла сярэднюю адзнаку аналітыкаў, апытаных Bloomberg, у суме $100 млрд.

Чысты прыбытак кампаніі ў трэцім квартале вырас да $1,63 млрд, або $10,90 за акцыю, у параўнанні з годам раней, калі было $1,60 млрд, або $10,66 за акцыю. З пачатку 2024-га акцыі акцыі BlackRock (BLK) на Нью-Ёркскай фондавай біржы выраслі амаль на 20%. За аналагічны перыяд індэкс S&P 500 вырас на 21%.

«Мы эфектыўна выкарыстоўваем нашы тэхналогіі, маштаб і глабальную прысутнасць для забеспячэння прыбытковага росту», – заявіў генеральны дырэктар BlackRock Лары Фінк.

Таксама ў трэцім квартале BlackRock скончыла ўгоду для набыцця амерыканскага інвестыцыйнага фонду Global Infrastructure Partners (GIP) сумай $12,5 млрд.

Акрамя гэтага, неўзабаве кампанія плануе BlackRock набыць брытанскую кампанію Preqin, якая спецыялізуецца на зборы і аналізе фінансавых звестак і рынкаў альтэрнатыўных інвестыцый. Сума ўгоды ацэньваецца на $3,23 млрд. У планах BlackRock таксама выхад на хуткарослы рынак прыватнага крэдытавання, адзначае Bloomberg. Інвестыцыйны холдынг разглядае магчымасць куплі прыватнай крэдытнай фірмы HPS Investment Partners. Кошт угоды можа перавысіць $10 млрд.