Пуцін адмовіўся ад тэлефоннай размовы з Шольцам

• 11.10.2024, 16:02

Аб гэтым заявіла МЗС Нямеччыны.

Пуцін адмовіўся абмяркоўваць тэму міру ва Украіне з канцлерам Нямеччыны Олафам Шольцам. Аб гэтым заявіла міністр замежных спраў Нямеччыны Аналена Бербак, яе словы прыводзіць Reuters.

«Украіна гатовая да справядлівага міру», - заявіла Бербак у Берліне, дзе ў пятніцу чакаюцца перамовы прэзідэнта Украіны Уладзіміра Зяленскага з Шольцам.

Яна падкрэсліла, што менавіта Пуцін адмаўляецца ад пошуку шляхоў мірнага ўрэгулявання.

«Ён адмаўляецца прыняць мір і штодзень пасылае чарговы сігнал на карысць вайны і разбурэння. У гэтыя дні ён не гатовы нават размаўляць з канцлерам Нямеччыны праз тэлефон», - сказала яна.