Мянчук прынёс у міліцыю стрэльбу «з калекцыі Радзівіла»

• 11.10.2024, 14:15

Яна нібыта захоўвалася ў ягонай сям'і.

У менскую міліцыю прынеслі стрэльбу «з калекцыі Радзівіла». Жыхар Савецкага раёна сталіцы прапанаваў перадаць яе ў музей. Паводле ягоных слоў, у сям'і стрэльба захоўвалася з сярэдзіны 1950-х.

Пасля смерці бацькі, які ёй валодаў, прайшло шмат год. І ён выпадкова знайшоў стрэльбу ў шафе загорнутай у газету. Сын надумаў "без негатыўных наступстваў здаць стрэльбу". У дзяцінстве ён чуў ад сваякоў, што гэтая зброя раней належала роду Радзівілаў.

Незарэгістраваную стрэльбу адправілі на экспэртызу, міліцыя праводзіць праверку.