Украіна стварыла новую балістычную ракету

• 1.10.2024, 21:46

Яна паспяхова прайшла лётныя выпрабаванні.

Украіна стварыла новую балістычную ракету. Яна ўжо прайшла лётныя выпрабаванні.

Як паведамляе РБК-Украіна, пра гэта заявіў прэзідэнт Украіны Уладзімір Зяленскі на адкрыцці другога Міжнароднага форуму абароннай індустрыі.

Паводле ягоных словаў, УСУ ўжо пачалі ўжываць зусім новы клас украінскай зброі – дальнабойную ракету-дрон «Паляніца». Таксама ўжо працуюць і іншыя віды дальнабойных дронаў, а таксама марскія дроны.

«Прайшла паспяхова лётныя выпрабаванні наша новая балістычная ракета. Прадаўжаецца паспяховае выкарыстанне ракетаў “Нептун”, вырабляецца да 20 артылерыйскіх сістэмаў “Багдан” штомесяц», – расказаў Зяленскі.