У Беларусі падаражэлі золата і срэбра

• 1.10.2024, 21:33

Вырас і кошт плаціны.

Паводле інфармацыі Міністэрства фінансаў, з 1 кастрычніка ў Беларусі пачалі выкарыстоўваць новыя разліковыя кошты пры прыёме ў Дзяржфонд каштоўных металаў.

Так, цяпер 1 грам чыстага золата (з утрыманнем масавай долі каштоўнага металу не менш за 99,95%) каштуе 267,18 рублёў. Ён падаражэў на 15,33 рублёў.

Срэбра стала даражэйшым на 19 капеек да 3,13 рубля.

Вырасла ў кошце і плаціна. Цяпер 1 грам каштуе 99,87 рублёў (на 7,62 рубля больш).

Папярэдняе падаражанне адбылося ўсяго толькі месяц таму.

Кошты каштоўных металаў у вырабах і ломе, скупныя ў фізічных асобаў, не мяняліся. Апошні ўздым кошту быў 10 чэрвеня гэтага года.