ЦАХАЛ пра напад Ірана: Гэта абвяшчэнне вайны

• 1.10.2024, 21:14

Ізраіль паабяцаў беспрэцэдэнтны адказ.

Войска абароны Ізраіля адказала на атаку з боку Ірана балістычнымі ракетамі, якая адбылася ўвечары 1 кастрычніка. Пра гэта паведамляе Times of Israel.

«Гэта абвяшчэнне вайны, чакаецца беспрэцэдэнтны адказ», – заявілі ў ЦАХАЛ.

Паводле афіцыйнай заявы ЦАХАЛ, з тэрыторыі Ірана па Ізраілі было выпушчана некалькі сотняў балістычных ракетаў. У выніку ізраільскае насельніцтва было эвакуяванае ў бамбасховішчы. Сірэны паветранай трывогі прагучалі па ўсёй краіне.