72-я брыгада УСУ знішчыла вялікую колькасць расейскай бронетэхнікі
- 30.09.2023, 18:40
Вогненная ўспышка закрыла ўсё поле агляду відэакамеры БПЛА.
Украінская авіяцыя за мінулы дзень нанесла адзінаццаць удараў па месцах канцэнтрацыі жывой сілы, узбраення і вайсковай тэхнікі расейскіх акупантаў і яшчэ два па іх зенітна-ракетных комплексах.
Пра гэта ў сённяшняй справаздачы, апублікаванай на афіцыйнай старонцы ў сацыяльнай сетцы «Фэйсбук», паведаміў прадстаўнік Генеральнага штаба Узброеных Сіл Украіны Пётр Гасай.
Між тым, 72-я асобная механізаваная брыгада імя Чорных Запарожцаў апублікавала відэа з апошнімі паспяховымі прыкладамі працы сваёй беспілотнай франтавой «авіяцыі».
Ролік змантаваны з кадраў, знятых як самімі дронамі-камікадзэ, так і беспілотнымі апаратамі.
На відэа можна ўбачыць мінімум пяць знішчаных ці пашкоджаных баявых браняваных машын. Адна з іх (магчыма, нейкая самаходная артылерыйская ўстаноўка) праз імгненне пасля трапляння боепрыпасаў магутна выбухнула - агністая ўспышка закрыла ўсё поле агляду відэакамеры БПЛА. Відаць, дэтанавалі ўласныя набоі САУ.
Таксама знішчаныя дзве машыны і ёсць яшчэ некалькі іншых траплянняў па захопніках.