Пад Салядарам украінскія ваяры зладзілі расейцам «разнос»

• 30.09.2023, 17:04

Прасмажылі бліндажы акупантаў і 4 аўто.

Пад горадам Салядарам Бахмуцкага раёна Данецкай вобласці цягам дня ўкраінскія воіны патрапілі ў два бліндажы расейскіх захопнікаў, а таксама чатыры аўтамабілі праціўнікаў.

Ворагу нанеслі страты аэравыведнікі 30-й асобнай матарызаванай брыгады ім. князя Канстанціна Астрожскага, а таксама аператары FPV-дронаў з іншых падраздзяленняў.

Пра гэта ў Telegram паведаміў камандзір Наземных войскаў Узброеных сіл Украіны Аляксандр Сырскі і паказаў яскравае відэа.

«Выдатная праца. Маштабуем знішчэнне ворага», - паведаміў ён. На апублікаваным відэа паказанае, прынамсі, знішчэнне трох джыпаў захопнікаў.