Беларусы прыйшлі на дапамогу пенсіянеру з Эстоніі, у якога нахабныя злодзеі скралі бульбу

• 30.09.2023, 15:13

Незвычайны выпадак здарыўся ў горадзе Валзе.

З рэдакцыяй эстонскага выдання Postimees сваёй бядой падзяліўся 85-гадовы жыхар горада Валгі (на мяжы з Латвіяй) Тыну Кірыстая, у якога невядомыя выкапалі і скралі бульбу.

Тыну Кірыстая вырошчваў бульбу ў Валзе, там на грамадскай зямлі ўсе могуць вырошчваць гародніну. Аднак у нейкі момант ён убачыў, што палова яго бульбы знікла, а крыху пазней знікла і іншая палова. Выкапаў толькі кошык бульбы.

Але свет не без добрых людзей: некамерцыйная арганізацыя, што ўбачыла гэтую навіну, якая аб'ядноўвае беларусаў Эстоніі, пастанавіла падарыць пенсіянеру цэлы мех бульбы, а фермерка, якая даставіла бульбу, дадала яшчэ адзін мяшок ад сябе.