Прэзідэнт Бразіліі намякнуў на арышт Пуціна, калі той прыедзе на G20

• 4.12.2023, 21:27

Лула да Сілва паведаміў, што расейскі дыктатар павінен «ацаніць наступствы» прыезду на саміт.

Прэзідэнт Бразіліі Лула да Сілва ў панядзелак, 4 снежня, паведаміў, што расейскі дыктатар Уладзімір Пуцін павінен «ацаніць наступствы» ягонага прыезду на саміт G20 у Рыа-дэ-Жанэйра.

Пра гэта паведамляе Terra.

«Калі Пуцін прыедзе на сустрэчу G20 у Бразілію, ён ведае, што можа адбыцца», – сказаў Лула на прэс-канферэнцыі ў Берліне разам з канцлерам Нямеччыны Олафам Шольцам.

Бразілія з'яўляецца ўдзельніцай Міжнароднага крымінальнага суда і нясе адказнасць.

17 сакавіка Міжнародны крымінальны суд у Гаазе выдаў ордар на арышт расейскага дыктатара Уладзіміра Пуціна паводле падазрэння ва ўчыненні ваенных злачынстваў у сувязі з дэпартацыяй украінскіх дзяцей у РФ.