Бабарыка аб пазбаўленні ліцэнзіі адваката Пыльчанкі: Гэта парушэнне майго права на абарону і ціск на мяне

• 9.10.2020, 17:03

Адвакаты Лаеўскі і Пыльчанка наведалі Віктара Бабарыку ў СІЗА КДБ.

Палітык і былы кіраўнік «Белгазпрамбанка» Віктар Бабарыка звярнуўся ў Міністэрства юстыцыі з нагоды намеру пазбавіць ліцэнзіі ягонага адваката Аляксандра Пыльчанку. Экс-прэтэндэнт у прэзідэнты мяркуе, што такім чынам яго хочуць пазбавіць права на абарону. Аб рэакцыі Бабарыкі на намер Мінюста tut.by расказаў ягоны адвакат Дзмітрый Лаеўскі.

Адвакаты Лаеўскі і Пыльчанка наведалі Віктара Бабарыкі ў СІЗА КДБ і расказалі яму аб выкліку адваката Аляксандра Пыльчанкі на пасяджэнне Кваліфікацыйнай камісіі пры Мінюсце, дзе 15 кастрычніка будзе разглядацца пытанне аб спыненні ягонай ліцэнзіі на адвакацкую дзейнасць.

Віктар Бабарыка напісаў зварот у Мінюст.

«Я хачу заявіць, што намер пазбавіць майго абаронцу ліцэнзіі я расцэньваю як парушэнне майго права на абарону і ціск на мяне. Я ўжо не маю магчымасці скарыстацца юрыдычнай дапамогай адваката Максіма Знака, якому была выдадзеная даверанасць на прадстаўленне маіх інтарэсаў у судах, у тым ліку ў пытаннях ажыццяўлення выбарчых правоў. Цяпер ён знаходзіцца пад вартай. Манеру, у якой ліквідуюць майго абаронцу Аляксандра Пыльчанку, я ўважаю за спосаб процідзеяння наданню мне юрыдычнай дапамогі. Прашу цяперашнюю заяву разгледзець на пасяджэнні Кваліфікацыйнай камісіі ў пытаннях адвакацкай дзейнасці, улічыць маё меркаванне і паведаміць мяне аб выніках разгляду гэтай заявы», - цытуе заяву Бабарыкі ягоны адвакат Дзмітрый Лаеўскі.