«А мы казалі, што электрычнасць у краіне скончыцца»
- 9.10.2020, 17:35
Хакеры папярэдзілі пра новую атаку на рэжым Лукашэнкі.
Беларускія кібер-партызаны паведамілі ў сваім тэлеграм-канале пра новую атаку на рэжым Лукашэнкі, якая павінна пачацца праз некалькі гадзінаў.
«А мы казалі, што электрычнасць у краіне скончыцца.
Спытайце ў Лукашэнкі, чаму АЭС не запусціцца. Да атакі менш за 5 гадзінаў», – паведамілі кібер-партызаны.
Нагадаем, што раней кібер-партызаны распаўсюдзілі паведамленне, у якім папярэдзілі грамадзянаў пра ўкараненне шкоднага праграмнага забеспячэння ў банкаўскую сістэму Беларусі.
Хакеры парэкамендавалі ўсім да пятніцы ўжыць наступныя захады:
Да канца працоўнага тыдня неяк выграбці ўсю валюту з абменнікаў.
Зняць грошы з банкаўскіх картаў.
Адклікаць дэпазіты з рахункаў дзяржаўных банкаў.