Урад Кыргызстана сышоў у адстаўку

• 9.10.2020, 11:34

Прэзідэнт Кыргызстана адправіў у адстаўку ўрад і прэм'ер-міністра.

Прэзідэнт Кыргызстана Сааранбай Жээнбекаў падпісаў указ аб адстаўцы ўрада і прэм'ер-міністра. Указ размешчаны на сайце кіраўніка дзяржавы, паведамляе РБК.

У дакуменце гаворыцца, што тыя, хто займаў пасады віцэ-прэм'ераў і міністраў, працягнуць выкананне абавязкаў чальцоў урада да фармавання новага складу кабінета міністраў.

У адстаўку сышоў прэм'ер Кубатбэк Баранаў, які займаў гэтую пасаду яшчэ да пачатку пратэстаў у краіне. Парламент краіны прыняў адпаведную пастанову яшчэ 6 кастрычніка, прызначыўшы на яго месца вызваленага з калоніі экс-дэпутата Садыра Жапарава. Аднак напярэдадні прэс-сакратарка кіраўніка дзяржавы Талганай Стамаліева заявіла, што адстаўка Баранава не разглядаецца за сапраўдную ў сувязі з тым, што яе яшчэ не прыняў кіраўнік дзяржавы.

Яшчэ адным указам прэзідэнт адправіў у адстаўку кіраўніка Дзяржаўнага камітэта нацыянальнай бяспекі Аразбека Апумбаева.