Літва заблакавала выдзяленне сродкаў беларускім уладам у рамках праграмы ЕЗ

• 7.10.2020, 15:42

Выплаты былі спыненыя пасля абвастрэння сітуацыі ў Беларусі.

Улады Літвы заблакавалі выдзяленне фінансавання Беларусі ў рамках праграмы Еўразвязу ў трансгранічным супрацоўніцтве. Пра гэта ў сераду паведаміла агенцтву Reuters прадстаўніца МУС Літвы Бажэна Забароўска-Здановіч.

«Усе выплаты былі спыненыя да атрымання ад Еўракамісіі тлумачэнняў у відавочных рызыках», - сказала яна. Са слоў прадстаўніка МУС, адна з замарожаных выплат складала блізу €3 млн.

Як паказала Бажэна Забароўска-Здановіч, выплаты былі спыненыя неадкладна пасля абвастрэння сітуацыі ў Беларусі праз асцярогі, што ўрад краіны будзе выкарыстоўваць іх не па прызначэнні.

Праграма супрацоўніцтва разлічаная на развіццё рэгіёнаў на мяжы паміж Беларуссю, Літвой і Латвіяй. ЕЗ планаваў выдзеліць на яе €18,4 млн у 2020 годзе, €10,7 мільёнаў у 2021 годзе і €3,5 млн у 2022-2024 гадах.