Міністр абароны Польшчы сышоў на карантын праз каранавірус у генерала

• 7.10.2020, 11:43

Марыюш Блашчак працуе з дому.

Міністр абароны Польшчы Марыюш Блашчак знаходзіцца на карантыне пасля кантакту з генералам Яраславам Грамадзіньскім, у якога пацвердзілі заражэнне каранавірусам.

Пра гэта паведамляе Сharter97.org са спасылкай на польскія СМІ.

"Пасля ўчорашняга пацвярджэння COVID-19 у генерала Яраслава Грамадзінськага, з якім я кантактаваў, я пайшоў на карантын і працую з дома", - паведаміў Блашчак.

Са слоў міністра, у яго няма ніякіх сімптомаў хваробы.

Адзначым, што Марыюш Блашчак прысутнічаў на цырымоніі прывядзення да прысягі новага ўрада. Спачатку яна павінна была адбыцца ў панядзелак, аднак у той жа дзень раніцай Пшэмыслаў Чарнэк, які павінен узначаліць аб'яднаныя ведамствы адукацыі і навукі, паведаміў, што ў яго станоўчы вынік тэсту на COVID-19.

Пасля даследавання кантактаў заражанага чыноўніка на карантын былі накіраваныя: віцэпрэм’ер Яцэк Сасін, кіраўнік канцылярыі прэм'ер-міністра Міхал Дворчык, кіраўнік урада Дарыюш Піянткоўскі і намеснік міністра клімату Яцэк Аздоба.