У Лондане спадзяюцца, што ЗША ўвядуць санкцыі супраць рэжыму Лукашэнкі

• 6.10.2020, 19:46

Пра гэта заявіў кіраўнік МЗС Вялікабрытаніі.

У Лондане спадзяюцца, што і ЗША ўвядуць санкцыі супраць афіцыйнага Менска. «Я чакаю, што ЗША пойдуць па тым жа шляху, - цытуе словы міністра замежных спраў Вялікабрытаніі Дамініка Рааба ТАСС. - Я ўважаю, што яны хочуць убачыць пэўнае лідарства з боку Еўропы».

6 кастрычніка Рааб выступаў у камітэце замежных спраў брытанскага парламента.

Урад Вялікабрытаніі ўвёў санкцыі супраць Лукашэнкі і яго атачэння 29 верасня. Тады ж санкцыі ўвяла і Канада. Праўда, іх «чорныя спісы» адрозніваюцца: у брытанскім 8 чалавек, у канадскім - 11. У «чорным спісе» ЕЗ 40 чалавек і, як чакаецца, ён будзе пашырацца. Гэта людзі, адказныя «за фальсіфікацыю выбараў і парушэнне правоў чалавека». Брусэль наважыў не ўключаць у гэты спіс Лукашэнку.