Новым прэм'ерам Кыргызстана абралі апазіцыянера, якога напярэдадні вызвалілі з СІЗА

• 6.10.2020, 19:03

5 кастрычніка ў Бішкеку прайшлі акцыі пратэсту супраць вынікаў парламенцкіх выбараў.

Прэм'ер-міністр Кыргызстана Кубатбек Баронаў падаў у адстаўку на фоне пратэстаў і беспарадкаў, якія пачаліся пасля парламенцкіх выбараў, паведамляе «Медуза».

Парламент ужо прагаласаваў за прызначэнне новым прэм'ерам Садыра Жапарава - былога дэпутата, якога напярэдадні пратэстоўцы вызвалілі з адной з турмаў у Бішкеку, дзе ён адбываў 10-гадовы тэрмін праз абвінавачванне ў арганізацыі беспарадкаў.

Раней у адстаўку сышоў кіраўнік парламента Кыргызстана Дастан Джумабекаў. Прэзідэнт краіны Жээнбекаў падкрэсліў, што гатовы да перамоў з апазіцыяй.

5 кастрычніка ў Бішкеку прайшлі акцыі пратэсту супраць вынікаў парламенцкіх выбараў - па іх выніках перамогу атрымалі дзве праўрадавыя партыі. Акцыі перараслі ў беспарадкі, у якіх пацярпелі некалькі сотняў чалавек, адзін загінуў. Пратэстоўцы захапілі будынак, дзе знаходзяцца парламент і адміністрацыя прэзідэнта.

ЦВК удзень 6 кастрычніка прызнала вынікі парламенцкіх выбараў несапраўднымі.