Амбасадар Нямеччыны ў Беларусі адкліканы ў Берлін для кансультацый

• 6.10.2020, 18:56

Берлін праявіў салідарнасць з Польшчай і Літвой, ад якіх рэжым Лукашэнкі патрабаваў скараціць дыпламатычны персанал.

Амбасадар Нямеччыны ў Менску Манфрэд Гутэрэр часова пакінуў Беларусь. Як паведамілі агенцтву dpa ў нямецкім МЗС у аўторак, 6 кастрычніка, ён паехаў «для кансультацый у Берлін». Паводле інфармацыі dpa, урад ФРГ гэтым крокам хоча праявіць салідарнасць з Польшчай і Літвой, якія ўжо адклікалі сваіх паслоў з беларускай сталіцы, піша DW.

Раней улады ў Менску запатрабавалі ад Варшавы і Вільні значна скараціць дыпламатычны персанал у Беларусі. Калі Беларусь і надалей будзе намагаць на скарачэнні колькасці супрацоўнікаў амбасады, то на гэта давядзецца адрэагаваць аналагічным крокам, гаворыцца ў заяве літоўскага МЗС.

Еўразвяз не прызнаў вынікі прэзідэнцкіх выбараў у Беларусі, што адбыліся 9 жніўня. У гарадах Беларусі рэгулярна праходзяць шматтысячныя шэсці на знак пратэсту супраць вынікаў выбараў.