Амбасадар Польшчы і амбасадар Літвы з'ехалі з Беларусі

• 6.10.2020, 11:04

Амбасадар Нямеччыны з'язджае сёння.

Пасол Польшчы Артур Міхальскі і амбасадар Літвы Андрус Пулокас пакінулі Беларусь напярэдадні вечарам. Амбасадар Нямеччыны Манфрэд Хутэрэр з'язджае сёння - ён адкліканы для кансультацый у Бэрлін. Пра гэта tut.by паведамілі інфармаваныя крыніцы.

Выклік амбасадараў у свае сталіцы для кансультацый звязаны з дыпламатычным скандалам, які разгарэўся 2 кастрычніка, калі беларускі МЗС запатрабаваў каля пасольстваў Польшчы і Літвы ў нашай краіне скараціць колькасць працоўных у Беларусі дыпламатаў. Там таксама паведамілі, што амбасадары Беларусі ў Польшчы і Літве з 5 кастрычніка адклікаюцца ў Менск для кансультацый, і прапанавалі Варшаве і Вільні пераняць гэты прыкладу.

Літва і Польшча адразу заявілі, што не маюць намеру адклікаць сваіх амбасадараў у Беларусі для кансультацый. Але 5 кастрычніка кіраўнік МЗС Літвы Лінас Лінкявічус паведаміў аб адклiканнi свайго амбасадара ў Беларусі для кансультацый. Следам за ім такую заяву зрабіў кіраўнік МЗС Польшчы Збігнеў Раў.

Раў ў сябе ў твітары адзначыў, што «ў каардынацыі з Еўрапейскай службай замежных сувязяў і краінамі-чальцамі ЕЗ прынятая супольная пастанова адклікаць для кансультацый некаторых з паслоў, акрэдытаваных у Беларусі». Гэта значыць, гаворка ідзе не толькі аб амбасадарах Польшчы і Літвы, але і іншых краін ЕЗ.

У Прадстаўніцтве ЕЗ у Менску сітуацыю пакуль не каментуюць.