Прэзідэнт Кыргызстана склікае сустрэчу лідараў партый на фоне пратэстаў
- 5.10.2020, 21:33
Пратэстоўцы патрабуюць скасаваць вынікі выбараў і правесці паўторнае галасаванне.
Прэзідэнт Кыргызстана Сааранбай Жээнбекаў склікае на сустрэчу лідараў усіх партый, якія ўдзельнічалі ў парламенцкіх выбарах, паведамляецца на сайце кіраўніка дзяржавы.
Сустрэча адбудзецца 6 кастрычніка, на яе запрошаны лідары 16 партый, гаворыцца ў паведамленні.
5 кастрычніка на плошчы Ала-Тоо ў кыргызскай сталіцы сабраліся прыхільнікі партый, якія не прайшлі ў парламент. Пратэстоўцы патрабуюць скасаваць вынікі выбараў і правесці паўторнае галасаванне.
Выбары ў парламент Кіргізіі прайшлі 4 кастрычніка. Прыход дасягнуў 56,5%. Паводле папярэдніх вынікаў, у заканадаўчы орган нібыта прайшлі чатыры партыі: «Бірымдзік» («Адзінства», праўладная партыя), «Мекенім Кыргызстан» («Родны Кыргызстан», праўладная партыя), «Кыргызстан» (цэнтрысцкая партыя) і «Бутун Кыргызстан» («Адзіны Кыргызстан», цэнтрысцкая партыя).