У рэдакцыю «Сильных новостей» з ператрусам прыйшлі невядомыя ў масках

• 5.10.2020, 16:00

Яны хочуць канфіскаваць усё, што тычыцца працы Ганны Якштас.

Удзень у панядзелак, 5 кастрычніка, у рэдакцыю гомельскага партала «Сильные новости» прыйшлі невядомыя ў масках, яны праводзяць ператрус.

- Нейкія людзі ў масках. Хочуць канфіскаваць усё, што тычыцца працы Ганны Якштас, - паведамляюць супрацоўнікі рэдакцыі.

Нагадаем, галоўную рэдактарку Ганну Якштас і яе мужа Дзяніса, таксама супрацоўніка рэдакцыі, затрымалі раніцай 3 кастрычніка. Іх абвінавачваюць паводле адміністрацыйнага артыкула. Да абеду панядзелка суд над журналістамі яшчэ не адбыўся, яны застаюцца пад вартай.