Дзень фантаннай воднай гарматы

• 5.10.2020, 8:10

Галоўны мэм нядзельнага Марша.

Пасля кожнага нядзельнага пратэсту ў беларускім грамадстве з'яўляюцца новыя сімвалы, мэмы або яркія відэа, якія робяцца прадметам для шырокага абмеркавання. Новым мэмом стала фантанная водная гармата, піша thinktanks.by.

На стэлу, дзе сабраліся людзі, былі адпраўленыя водныя гарматы. Прычым на праспекце Машэрава водная гармата была атакаваная пратэстоўцамі. Людзі адкрылі ў ёй люкі і, відавочна, ссунулі нейкую засланку. У выніку водная гармата ператварылася ў перасоўны фантан, які стаў абліваць не толькі пратэстоўцаў, але і амапаўцаў.